Enkiteng'enisho

Tipatishu olkikau/oldung’oret tolmarei

Olkikau onya intomon pooki olmarei aishooyo intoyie, neyamaki kulie, nemurat kulie ayiook pooki le menye aitaa ilewa.

Eigero David ole Moonka

Ore Olkikau naa enkerai edukuya naboloki  menye oo ng’otonye enkarna enkishon naipotieki aajo ng’oto ng’ania arashu menye ng’ania.

Enkikau arashu olkikau nabol/obol eng’uset e ng’otonye aitaa enkitok naanyitu pooki tung’ani lo olmarei tenebo oo olaji leina sirit olmoruo lenye.

Ore anaa enetiu oldung’oret te enjung’on eng’otonye neijia sii ninye etiu olkikau te enjung’on enkang’ anaa entolu kerreti to olmarei.

ADVERTISEMENT


Need branding services? No other agency does better than us Click here


 

Teneeku eyamwa olee inkituaak kumok neitu esioki enedukuya atum olayioni, neeisho inkituaak naayamuaki te siadi aatum ilayiook oo intoyie naa mejool entaloishi enkae, ele ayioni ake kiti le entaloishi edukuya ake ooku olayioni botor le enkang’ amuu ng’otonye natabolo kishomi olmarei, neijia ake etiu sii ninye olayioni obayie te ng’otonye tenaa oinoti le polos te ng’otonye osuju kulie toyie naabayie naa ninye ake ooku oldung’oret le ng’otonye.

Inkaisurutia naadung olkikau to olmarei le menye anaa olkikau.

Eeku ninye ojung menye too intokiting pooki naata menye, naa ninye ooku menye pooki tung’ani otii ina boo aitubulu olmarei otung’ayie papai lenye to osotua, nenyok pee meitorogony arashu eitinkin kulie taloishin e menye.

Ninye onya intomon pooki olmarei aishooyo intoyie, neyamaki kulie, nemurat kulie ayiook pooki le menye aitaa ilewa.

Ninye onukaa menye, neeyel menye too inkishu enyenak.  Teneeku etua menye meeta toki arashu teneeku meeta olkerr oyieng ayelie menye nelo eisilen olalashe arashu likae lenye oota olker arashu olkiteng oyelieki menye nelak kenya tenetum inkishu.

Ninye eishopokini ilkataarri le enkaina e tatene neishopokini olayioni osujita ilkataarri le enkaina etatene.

Eya pooki toki naata menye, arashu tenenguarraki aisho likae onyor elukunya.

Meidur aikata ninye aworori te boo enkang’ emenye kake eidim kulie pooki aashom.

Olayioni botor onare tenenap menye tiatua ilkekuno le enchalan enye omeinepu keeya erropil amuu teneitu eiko neijia naa epik menye eng’oki.

Teneeku mekure opa eishu olayioni botor naa ejung olosujita ilo opa kikau, naa teneeku metii nejung oliae talaoishi nairirikimore te kiama eng’otonye.

Teneeku etua menye naa ninye oibung elukunya e menye teneipang’ieki aulo aapik enkurare.

Related posts

Enkiteng’enare o rishunot enkarriyiano

JAPG

Enkiteng’ena oo inkera – isinkoliotin loo ing’uesi

JAPG

Eton eetae erishata eeare te nkisoma too ntomonok

JAPG

Leave a Comment