Enkikoo

Olkiyioi: Etaa iloreren oiki ntoyie aang

Mijojo ake kainyioo pasa naipangie enkaji enkitati pee eshomo apolosakino ilorere lesiu, intae leitu eig’uana nimbooyo osina o olosil loo ilkumok

Enkasirani Joy Kakenya Enole Barta,

Ore aa supuk enyamali natumito enkaji e Maa, enkaji Olee naidopita. Eyelaki iyiook pooki netaa iloreren oiki ntoyie aang.

Ore ninye enapa dung’et erashe naji – Eiting’o osina le enkaji naino olayioni – nekimbelekenya aajo -mmee toki enkaji naino olayioni oini te enkaji nabore osina.

Atoningo opa eji intokitin are nemeishooroyu to Olosho; olayioni o enkop. Ore peetejoki neija, naa ebulu olayioni neeku erripoto olorere lenye, eiki enkop enye aiput entalipa, neitoki sii angoroo loobulu lo Olosho.

Meisho aikata sii olee meeta enkop naiki amuu, meiki shumata enchani anaa emotonyi. Naa teneeku meetae induaat naaitasheyie Enkang’ arashu Olosho, neeku ake duo oldarpoi le kishu enyanyukie Olee omurata neishiwuo.

Jonte Africa Premier Group: Web Development

Ore apa ara kiti to oltiren le yeyio, naning eimakini emasaita Olosho loo Ilwuasinkishu ong’arie papa kina otaara Ilkusupa metus to olarrabal ootae opa to lo Olorukoti loo Isiria.

Nejo yieyio,”Eme enkeeya Oltung’ani oti, entaboi sapuk oleng.” Ore peejo nija, nadol papa pee eirragie Olaiserri le kule, neisuat enkutuk anaa oloota enkanyarati naitau.

Nejo, “Papai Ole Barta, nakotilei ena, mintoki aipot emasaita Olosho oshomo erropil amuu, inkulupuon Olosho lenye etanang’a pee kitum eserian o enkanyit too Ilkusupa, pee esupatu atua Ilmareita lang nekitum biyotisho to oloobulu.”

Ina ake atoningo naipalipalie ilkiyio le emion ayiolo ajo enkurruma enye kintaa olopololi loo ilasho, neshomo eng’umoto eitu eing’uaa enjung’on eishoi enye.

Etejoki apa edol enkerai ilainyamok eton eitu edol menye. Neji sii enaikash tenekimba alang tenekimen.

Olmena ong’asu too iloreren, amuu meitoki aata entoki nemeitieu aatolimu te esukeny te dukuya Olmaa amuu emenisho.

Pasa taa duo emen oshiake iyiook ejo emoda Ilmaasae, o naa taata etaa ilarikok lang ilaikoshuaak oong’uar enchilingi e likae ayioni anaa isilan naashomo ilayiook.

Olmena ake ojingu atua iyiook, neisurunyie ilenyok airruyieki ilayiook oopeny Olosho Olosil.

Nekidumakinoi aisomit te pooki toki torrono, nekiworuni pooki toki nara enino, neikonyari pooki toki olkar lo olee; intoyie, inkituaak, isiaitin oo enkulukuoni nemeeta eniintieu Atejo amuu miata eng’oro.

Ore taa pee kiindop osomit, nejingu osina aimu inchot pooki Orkitamanyunei lino, teneitu iye iaku orrindiki loo iloreren tiatua olosho lino, neiting enkaji Olee, nelotu enkidaaroto orkesen le Maasae.

Lelewa enyaaki entejo kiti nishukushuku enkinyala amuu, tenekijo kenya kiputunye too injo, nakinepu aa iloreren ootujung’o iyiook te eishoi.

Mijojo ake kainyioo pasa naipangie enkaji enkitati pee eshomo apolosakino ilorere lesiu, intae leitu eig’uana nimbooyo osina o olosil loo ilkumok.

Enkaji enkitati, matudumu olkerempe too Iloiroishi oo Ilamala, maipara siake ilewa lang pee eputunye, pee mekipuo kiyela.

Natoyie entabol ilidat o iloduan, nibolibolo iltauja, nijutujutu ilkiyio aajo kiti, matangotoi ote tiatua irishat pooki, amuu eishoru Enkai irishat supati.

Related posts

Ore olererio naa cancer, emataramat intaoni aan’g

JAPG

‘Tagolie enkima, miaku ewushuwushi’: Enkitanapa naisho menye entito enye elo kiama

JAPG

Leave a Comment