Enkitoduaroto

Imbususi nairiki olmoruo o enkitok

Ore olee tiatua emboita olkuaak le enkitok neiba olmena, enkibor enkong’u, olkep, entil, eng’ogong’i, olkwenyi, enchang’ar, enturuaishu o emodai

Etisira David ole Moonka

Ore tiatua iltirenito lang, etii intokitin naidim ailepunyie olarrabal torrono ometijing’a enapiak nayau eworo naitong’u olakesena loo inkaaputi, neshurtu errotian enyorrata neibayuno aare opa oonyorra.

Hoo tenetii suja tiatua inapiakin oo entalip anaa ing’ok; inkutukie o ilg’ejepa torrok naasuj iltung’anak atua enkishon miyiolo.

Kake ore intokitin naibala naaworroi te emboita enkishon olee o enkitok kumok, ajo nanu enkitok nalus katitin uni to olee eikerrenu intigomi kumok naipirta olkuaak lo olee tiatua emboita enye.

Mekure oshi taata esuji intalip aayiolou nejurri ilmareita pokira pee mekinepu ake bata itii erishata enkitubulunoto olmarei neriaa boita inyi nekinepu ong’ata.

Ore amuu etaa entito o olayioni ooshilaki ote emboitati te enkishon, etemenaki oleng enkikoo o intoiwuo te entaar sapuk eji ilkapi/inkapi nemeyiolo shoto nainyaari enkop tena rishata.  Etaa edoli anaa Iltung’anak lemeyiolo toki hoo neitubulutwa ilmareita lenye tiatua oloip ong’urrayu.

Netaa tenetumi imbususi to olee arashu enkitok naa atua kotini enapi enkig’uana naibala, naaidim inchot pookira aikoo neyiolouni enetii intong’oro enye pee etumokini aatirish.

Tenemutu aa tiatua ilmareita loo intoiwuo eitotonaki, naa ebakisho oltiren nanaata enotoki esere, neitauni oloito neishiunyie inchot pokira, neshuko aaramat olmarei ometubulaki inyamalitin enye maate.

Ore olee tiatua emboita olkuaak le enkitok neiba olmena, enkibor enkong’u, olkep, entil, eng’ogong’i, olkwenyi, enchang’ar, enturuaishu o emodai.

Ore sininye enkitok te kiama nemenyor olmena, olarrabal, monko, enchalan, osina, olkep, olom, olodoo, enkiba o lamito to olkuaak lo olee.

Menyor sii ntomonok olosil, oloilepilepi, emerai, enkarrueisho, enkidopa, esuujisho, turuaisho, eloloito, empiani, incholueti o osikong’a.

Eiba sii nkituak olee onyor olbuaa, olee kuret, oltashalai, olee osokor o olee lemeitabaya induaat.

Neeku tenira olee arashu Enkitok naata kuna tiyiot olkuaak tonyuaa intayu aitaa kuti amuu nakata eborru oltiren lino dama oo kewarie.

Related posts

‘Tagolie enkima, miaku ewushuwushi’: Enkitanapa naisho menye entito enye elo kiama

JAPG

Maa Folklore

JAPG

Osayia te Enkai le enkitok nadupa tenasirie

JAPG

Leave a Comment