Enkatini

enkukuu tung’ani oltialei obo, o inkutukie are

Ore eton eitu eidip irrepeta, etii duake ormurrani oipanga alo oleng’oti eneunieki iremeta nejo, kwaak mataar eng’ues amuu emut iyiook

Eigero David ole Moonka

Netii opa…. netii enkukuu tung’ani oltialei obo,o inkutukie are, neeta olkiteng lenye sampu loo iltiil seur opir oleng. Meeta olmurrani ogiroo lememurrunye inkamulak tenedol enkishaa oo empiron oladuoo kiteng.

Nejo lelo murran maape ainyang’u pee kireu olpul, nepuo ake neinepuni oladuo kukuu tung’ani nejokini, ajo ishori inkasho naaba naayieu tenishooyo ilo kiteng lenye sapuk.

Nejo kukuu tung’ani memirita tukul olkiteng lenye le emurra sampu. Nesuji apa ilporori ometalaikinoteki pii.

Nejo nabo olong ilmurran oi kiti! Etaa duo sii mekimurata oshi teneitu kiyieng ilo kiteng leilo kukuu tung’ani, oyie maape apurrroo ilo kiteng aareu olpul, ore ake pee eibung iyiook nekilak amuu elaki opake inyamin. Check bdsmvids free porn bdsm.

Nedumunye enkirri oo ilmurran magil nepuo aareu olkiteng le kukuu tung’ani eipolose enkewarie. Nening’ori ewoshito enkume anaa oltome oirrag’a impoorri e kalia.

Kake ajo miyiolo ilayiook loo ilmaasae etumuta nabo anaa enkiook ming’ani, nereu ilmurran olkiteng omeitabaiki olpul. Neyiengi teina akenya ake aipesipesie.

Ore ade peejo kukuu tung’ani tiam ekenyua, neitu edol olkiteng lenye onyor le emurra sampu. Nenapa anaa oloikuma, neten too ilotot anaa osirua ong’oro te embae o iltorrobo.

Nejo ting’iting’ atalu orrekie, nedol iroruat oo ilmurran neitoki adol enolkiteng lenye nerany ajo, nele orrekie le emurra oo sambu, oolda siyiayio kulukul…

Neinepu imodiok nerany ajo noona imodiok emurra sampu, oolda siyiayio kulukul….

Neinepu enetaremieki empiding, neitoki arany ajo, nene eneteyiengieki emurra sampu, oolda siyiayio kulukul….

Neinepu olpul nebuaku te engoro sapuk nerany ajo, nele olpul oinosieki emurra sampu, lemurran intae oinosa murra sampu hooyia….

Nebau enopa naji meeta enatii suja elikae itasioyie. Nejo ilmuran, olee muro, kintera muro siake, neirukoki ajoki atang’amaka intae muro.

Nejoki ilmurran olee inkelesho naa iyiook, neishori olkar le enkiyieu, nerany ajo, mayieu enkiringo oo ilchokuti ooldasiyiayio kulukul… nyirg’it ina kiti nayieu ai ooldasiyiayio kulukul….

Neishori enkonyori nejo, mayieu enkiringo oo intasati ooldasiyiayio kulukul…. nyirg’it ina kiti nayieu ai ooldasiyiayio kulukul…

Neishori emonyua nejo, mayieu enkiringo oo ilmoruak ooldasiyiayio kulukul…nyirg’it ina kiti nayieu ai ooldasiyiayio kulukul….

Neishori enkorion nejo, mayieu enkiringo oo intoyie oldasiyiayio kulukul…nyirg’it ina kiti nayieu ai ooldasiyiayio kulukul…

Neishori ilaras nejo, mayieu enkiringo oo ilmurran ooldasiyiayio kulukul…nyirg’it ina kiti nayieu ai ooldasiyiayio kulukul…

Neishori iloilelek nejo, mayieu enerorie ilmong’i inkik ooldasiyiayio kulukul…nyirg’it ina kiti nayieu ai ooldasiyiayio kulukul….

Neipotokini taa irishat oo inkiri pooki omeitingo olkiteng neitu ninye enya ilmurran toki, nejokini mekure kiata inkiri nekincho iyie inting’ie olkiteng pooki openy.

Neranyu ajo, ayieu olwuarrikoi le polos oldasiyiayio kulukul…oulo osororua anaa entito oldasiyiayio kulukul…nenare olosinko tenedung oldasiyiayio kulukul… nenare erishata oo intoyie oldasiyiayio kulukul…

Ore eton eitu eidip irrepeta, etii duake ormurrani oipanga alo oleng’oti eneunieki iremeta nejo, kwaak mataar eng’ues amuu emut iyiook.

Neremokini iremeta shim-shim, neishimakini osesen pooki neeri metua paa keshuko ilmurran imanyat eitu enya oladuoo kiteng le emurra sampu.

Ina opa oo duo paa olkiteng sampu esajakini ilmurran te enkang oo ingusidin tiatua olkereti le maa eton eitu epuo iunot.

Related posts

Keeya olayioni lol Matapato te enchukushuk

JAPG

Eneikuna entinki pee etaa enkirotet

JAPG

Enkatini olmurani oshomo enkang Enkai

JAPG

Leave a Comment