Enkatini

Eneikununye apa osotua Loolodokishu Olaiser

Ore o duo eton opake ninche enyorra ilayiook pokira le enkaji nadokishu o Ilaiser neitu aikata epaasha emudong entito modooni naji Roriek, neitu eibelekeny enkarna enye, eji ake pooki iloodokisho naa ilaitoinok le enkaji e Orokiteng too Iloosurutia loo ilporori pooki

Eigero David ole Moonka

Ore opa te enkaji e orok-iteng neetae intoyie are naang’arie Aiser kina o olalashe lenye Lekum. Ninche apa naaiterutua olkerreti le kipa to olkesen loo intoyie enkang.

Netum Aiser entito naji Roriek — entito opa modooni neitu eyami. Neiu Roriek Ololmusere o Parteri naishorie Aiser entaloishi olmishire loo inkishu naanyokioo, neipotieki lelo ayiook pokira entaloishi nabo aajo Iloodokishu anaa enkoing’ono oo inkishu oo injorin nataarutua kulo ayiook oing’ok pokira, netumi olkerreti le enkaji nanyokie.

ADVERTISEMENT


Get top-of-the-line computer accessories at the best prices Click here


 

Neitapaash lelo ayiook inchomito te kiama netum Ololmusere inchomito naag’ela uni; empirdai, entukai, o olpenyet. Ore te entaloishi e Parteri netumi ilgilat are too ilponot; Iloiger, o Iloong’eles.

Ore o duo eton opake ninche enyorra ilayiook pokira le enkaji nadokishu o Ilaiser neitu aikata epaasha emudong entito modooni naji Roriek, neitu eibelekeny enkarna enye, eji ake pooki iloodokisho naa ilaitoinok le enkaji e Orokiteng too Iloosurutia loo ilporori pooki.

Ore amuu iloing’ok oleng opa loo injorin teneimany obo Parteri neimany olikae Ilmusere mewosho kwaak ilong’oi, nerisha Ilayiook le Roriek teine ake, eitu aikata ejung’i ina aji oo nekiro – Iloodokishu ake neiting.

Neetae ake kulie toyie are naitoiwuoki te enkaji e Aiser naaji Emoshononi o Esiriani nang’arie kina Aiser o Lekum kake Aiser oitoiwuo to Olkesen le enjung’on enye.

Ore amuu aare opake ilayiook le Orokiteng neitu eishoori kuna toyie pokira, neputoki menye Olkesen loo intaloshi enkaji newuo aaku Ilaitayiook.

Ore te enkig’uana natajoitie Ilaitayiook te enkilepata olosho te enkig’uana engelata o inkishu eng’orno oloiboni, neyanyare opa ninche Ilaitayiook egeli inkishu enye naaishori Mbatiany. Ore pee ejing enchang’ar nang’u enkesha atua ing’orn oo iltuleta loo Ilayiook le Mbatiany negel Olanana Olosho loo Ilkeek-onyokie naipang’ieki ilekunot oo Ilaitayiook eilo osho, eton o duo aa ilo osho metii Ilaitayiook o nekiro.

Nedanya kuna toyie pokira neiu enkaji entakule nemeirishayu naa osarg’e ewok neipang aakesh inkishu enjore too Ilororani le Maa.

Nedanya Ilaitayiook netumi Ilg’elat loo inchomito naaji Ilmoshono ooiu Emoshononi, netumi Isiria ooiu Esiriani.

Eitu eiting ena atini…

Related posts

Enkatini olmurani oshomo enkang Enkai

JAPG

Eneikunu Ilmaasai enkitoiunoto olaji

JAPG

enkukuu tung’ani oltialei obo, o inkutukie are

JAPG

Leave a Comment