Ilomon

Emirare oomasaa torok te Narok

David ole Mpatiany – keishiakino nejing’aki serkali aaretu lelo biasharani, neut ilo turrur ojurr esidano oomasaa, ejo keishiakino nejurr ilo turrur masaa eton eitu ebau osokoni

Etisira Mary Supeet

Etuuta ilbiasharani neisulaki lelo lomasaa e electronicas te Kaunti e Narok, olturrur ojurru esidano oomasaa, negilunore masaa e bandia.

Eibalie lelo biasharani nchere, eiekenokoki opa mbiasharani enye tolapa otulusoyie. Eibalie ajo etabaitie opa ninche kortini kake neton ake eitu etum ewalata nabikoo.

Eibalie lelo biasharani nchere, meishiakino neitanyamali ninche tomasaa e bandia, ejo meeta eng’eno nayiolounye masaa torrok osidan, peemeitokini aitanyamal toorishat pooki.

Lomon kulo ootemenayie Olopisaai obo leilo turrur, David Ewoi, ejo lelo biasharani lemepuo aang’amu enkiteng’ena terishata nalikini ilbiasharani eneiko teneworr masaa sidan onena e bandia.

Eibalie ajo teneinepu ilbiasharani eeta masaa e bandia, naa kepuo aayayie eroruata naishiakino e sheria.

Ore tialo olopeny olorika lolturrur lolbiasharani olng’osila le Narok, David ole Mpatiany, netejo keishiakino nejing’aki serkali aretu lelo biasharani, neut ilo turrur ojurru esidano omasaa, ejo keishiakino nejurru ilo turrur masaa eton eitu ebau osokoni.

Related posts

Shoruetisho olosho lolamerikani oo Kajiado.

JAPG

Intoyie 471 naataa intomonok

JAPG

Induat oorbanot to olkerreti loonduat e BBI.

JAPG

Leave a Comment